ٹیکساس کے مال میں فائرنگ سے ہلاک ہونے والی حیدرآبادی لڑکی کی میت گھر پہنچ گئی

ٹیکساس کے ایک مال میں اجتماعی فائرنگ میں المناک طور پر ہلاک ہونے والی حیدرآبادی لڑکی ایشوریہ ٹھٹیکونڈا کی میت بالآخر شہر پہنچ گئی۔

6 مئی کو ڈیلاس کے قریب ایلن پریمیم آؤٹ لیٹس مال میں پیش آنے والے ہولناک واقعے میں 27 سالہ انجینئر ہلاک ہونے والے نو افراد میں شامل تھی۔ میت چہارشنبہ کو دیر رات راجیو گاندھی انٹرنیشنل ایرپورٹ حیدرآباد پہنچی اور جمعرات کو آخری رسومات ادا کی جارہی ہیں۔

تلگو ایسوسی ایشن آف



نارتھ امریکہ (TANA) نے ایشوریا کی میت کو حیدرآباد واپس بھیجنے کے لیے مختلف ایجنسیوں کے ساتھ تال میل قائم کرنے میں اہم کردار ادا کیا۔

ایشوریہ، جس نے عثمانیہ یونیورسٹی سے سول انجینئرنگ میں بیچلر کی ڈگری اور ایسٹرن مشی گن یونیورسٹی سے کنسٹرکشن مینجمنٹ میں ماسٹر کی ڈگری حاصل کی تھی، ٹیکساس میں پرفیکٹ جنرل کنٹریکٹرز ایل ایل سی میں پروجیکٹ مینیجر کے طور پر کام کر رہی تھیں۔ وہ حیدرآباد کے سرور نگر علاقہ کی رہنے والی تھی، اور اس کے والد نرسی ریڈی رنگاریڈی ڈسٹرکٹ کورٹ میں جج ہیں۔