آندھراپردیش کے اننت پورمیں بھیانک سڑک حادثہ، 3افرادہلاک ایک زخمی

اننت پور:آندھراپردیش کے اننت پور رورل کے قریب علی الصبح ایک بھیانک سڑک حادثہ پیش آیا۔ اس حادثے میں تین افراد کی موقع پر ہی موت ہو گئی اور ایک شخص شدید زخمی ہو گیا۔ پولیس نے زخمی شخص کو اننت پور کے سرکاری اسپتال منتقل کیا۔ بتایاجارہاہے کہ اننت پور رورل کے چناپلی کراس کے قریب ٹائر پنکچر ہونےکی وجہ سے پتھروں سے بھری لاری کو روک دیا گیا۔

اننت پور سے کلیان درگم جانے والی



ایک آئیچر گاڑی تیز رفتاری سے آکر پیچھے سے کھڑی لاری کو ٹکر دے دی۔ جس کے نتیجے میں آئچرگاڑی میں سوار چار میں سے تین افراد موقع پر ہی جاں بحق ہو گئے جبکہ ایک شخص شدید زخمی ہو گیا۔ پولیس نے اسے سرکاری اسپتال میں بھرتی کردیاہے۔ پولیس کے مطابق مرنے والوں کاتعلق کرناٹک سے ہے۔ پولیس حادثے کے تعلق سے مزید تفصیلات اکٹھی کر رہی ہے۔ پولیس نے مقدمہ درج کر لیا ہے اور تفتیش کر رہی ہے۔ لاشوں کو پوسٹ مارٹم کے لئے سرکاری اسپتال منتقل کیا گیا۔