تلگو فلم ایگزیکٹو پروڈیوسر نے خودکشی کر لی

حیدرآباد، 6 جولائی (ذرائع) تیلگو فلم انڈسٹری میں کام کرنے والی ایک ایگزیکٹو پروڈیوسر نے مادھا پور کے کاووری ہلز میں اپنے فلیٹ میں خودکشی کر لی۔

پولیس کو شبہ ہے کہ پروڈیوسر کام نہ ملنے کی وجہ سے پریشان تھی اس لیے انہوں نے یہ انتہائی اقدام اٹھایا-

شبہ ہے کہ پروڈیوسر کی موت جمعرات کو ہوئی تھی، لیکن یہ واقعہ ہفتہ کو اس وقت سامنے آیا جب پڑوسیوں نے ان کے گھر سے بدبو محسوس کی۔

پولیس کے مطابق آندھرا



پردیش کے راجمندری کی رہنے والی 33 سالہ سوپنا ورما  گزشتہ تین سالوں سے فلم انڈسٹری میں کام کر رہی تھی۔ سوپنا ورما فلیٹ میں اکیلی رہتی تھی-

شبہ ہے کہ انہوں نے خود کو بیڈ روم میں چھت کے پنکھے سے لٹکا لیا ہے۔

ہفتے کے روز، سوپنا کے پڑوسیوں نے ان کے فلیٹ سے بدبو محسوس کی اور فوری طور پر پولیس کو آگاہ کیا۔  مادھا پور پولس تحقیقات کر رہی ہے۔ لاش کو پوسٹ مارٹم کے لیے عثمانیہ جنرل ہاسپٹل کے مردہ خانہ میں منتقل کیا گیا۔