تلنگانہ: سنگاریڈی کی ایک کیمیکل فیکٹری میں دھماکہ، کم از کم 5 ہلاک

حیدرآباد: سنگاریڈی ضلع کے ہتنورا منڈل کے چندا پور گاؤں کے مضافات میں واقع ایک کیمیکل انڈسٹری میں چہارشنبہ 3 اپریل کو ری ایکٹر پھٹنے کی وجہ سے دھماکہ ہوا اور زبردست آگ بھڑک اٹھی۔

یہ واقعہ شام 5 بجے کے قریب پیش آیا۔ اس واقعے میں مبینہ طور پر کم از کم 5 افراد ہلاک اور متعدد کے زخمی ہونے کا خدشہ ہے۔ اطلاعات کے مطابق کئی کارکن آگ کی لپیٹ میں آ



گئے۔

ایک سینئر پولیس اہلکار کے مطابق فارما کمپنی میں ری ایکٹر میں دھماکہ ہوا اور اس کے آس پاس کے لوگ اس کی زد میں آگئے۔ اب تک چار افراد ہلاک ہوچکے ہیں۔ 10-15 لوگ زخمی ہوئے ہیں۔ انہیں ہسپتال منتقل کر دیا گیا ہے اور وہ زیرعلاج ہے ہیں۔

متاثرہ علاقے میں امدادی کارروائیاں جاری ہیں۔

نرساپور رکن اسمبلی سنیتا لکشما ریڈی اور بی جے پی امیدوار برائے میدک پارلیمانی حلقہ رگھونندن راؤ نے سنگاریڈی میں دھماکے کی جگہ کا دورہ کیا۔