تلنگانہ: بجرنگ دل کے ارکان زبردستی ایک اسکول میں گھس آئے اور نماز پڑھ رہی طالبات کو دھمکایا

تلنگانہ کے ونپرتی ضلع میں واقع  چانکیہ ہائی اسکول میں بجرنگ دل کے ارکان زبردستی گھس آئے اور مسلم لڑکیاں جو حکام سے اجازت لے کر ایک کمرے کے اندر جمعہ کی نماز پڑھ رہی تھیں ان کو ڈرانے دھمکا نے لگے۔ اگرچہ یہ واقعہ جمعہ 23 اگست کو پیش آیا تاہم ابھی تک کوئی ایف آئی آر درج نہیں ہوئی ہے۔ سپرنٹنڈنٹ آف پولیس واناپارتھی ضلع کو چاہیے کہ وہ اس معاملے کی مکمل تحقیقات کریں اور مذکورہ



واقعہ میں ملوث بجرنگ دل کے تمام مجرموں کو فوری طور پر گرفتار کریں۔ اس واقعہ سے نہ صرف مسلمانوں کے جذبات مجروح ہوئے ہیں بلکہ والدین اور طلباء میں خوف بھی  پیدا ہوا ہے۔ سوشل میڈیا پر گردش کرنے والی ویڈیوز میں دیکھا جا سکتا ہے کہ وہ احاطے میں داخل ہوتے ہوئے اور طالبات سے سوال کرتے ہوئے نظر آرہے ہیں کہ اسکول میں نماز کی اجازت کس نے دی ہے۔ ایک اور ویڈیو میں وہ اسکول کے حکام سے بحث کرتے ہوئے اور اسکول حکام کو دھمکاتے نظر آ رہے ہیں۔