حیدرآباد میں مسلم خاندان کی اجتماعی خودکشی

حیدرآباد: شہرکے مضافات میں ایک خاندان نے اجتماعی طورپرخودکشی کرلی۔ یہ واقعہ ضلع رنگاریڈی کے نادرگل کے قریب کرمل گوڑہ میں پیش آیا۔ پولیس نے بتایا کہ حیدرآباد کے سنتوش نگرسے تعلق رکھنے والے 37 سالہ قدوس پاشا نے اپنی بیوی 28 سالہ فاطمہ اوردونوں بچوں 9 سالہ مہرکے علاوہ 6 سالہ فردوس بیگم کے ساتھ کل کرمل گوڑہ پہنچے،



رات کے وقت ان تمام نے کیڑے ماردوا پی لی اوراس کے بعد تالاب میں چھلانگ لگا کرخودکشی کرلی۔ سمجھا جاتا ہے کہ معاشی پریشانیوں سے تنگ آکراس خاندان نے یہ قدم اٹھایا ہے۔ نعشوں کوتالاب سے نکال کرپوسٹ مارٹم کیلئے عثمانیہ جنرل ہاسپٹل کے مردہ خانہ منتقل کردیا گیا ہے۔ پولیس اس واقعہ کی مختلف زاویوں سے تحقیقات کررہی ہے۔