ویڈیو ریل کے لیے جان لیوا سٹنٹ، ایک منٹ تک ٹرین کی کھڑکی سے لٹکتا رہا شخص

کانپور،11 مارچ (ذرائع) سوشل میڈیا پر ایک چونکا دینے والی ویڈیو وائرل ہو رہی ہے، جس میں ایک نوجوان چلتی ٹرین کی کھڑکی سے لٹکتا ہوا نظر آ رہا ہے۔ وہ ٹرین کی کھڑکی سے لٹک کر اپنی جان خطرے میں ڈالتا ہے لیکن اچانک ٹرین رک جاتی ہے اور نوجوان نیچے گر کر زخمی ہو جاتا ہے۔

ویڈیو میں ایک نوجوان چلتی ٹرین کی کھڑکی سے



لٹکتا ہوا نظر آ رہا ہے۔ وہ انسٹاگرام ریل بنانے کی کوشش کر رہا تھا لیکن اپنا توازن کھو بیٹھا اور تیز رفتار ٹرین کی کھڑکی کے باہر سے لٹکا ہوا نظر آیا۔ یہ فوٹیج کاس گنج سے کانپور جانے والی ٹرین کی ہے۔

ویڈیو کے وائرل ہونے کے بعد اے ڈی جی زون کانپور نے گورنمنٹ ریلوے پولیس یوپی (جی آر پی) کو معاملے کی تحقیقات کرنے کی ہدایت دی۔