کرناٹک کے ٹول بوتھ پر تیز رفتار ایمبولینس بڑے حادثے کا شکار، 4 ہلاک

کرناٹک، 20 جولائی (ذرائع) کرناٹک میں ایک بڑا سڑک حادثہ سامنے آیا ہے، جس میں بارش کی وجہ سے گیلی سڑک پر ایک تیز رفتار ایمبولینس ٹول پلازہ پر حادثے کا شکار ہوگئی۔ 

ایمبولینس میں ایک مریض اور دو اٹینڈنٹ سوار تھے۔ پولیس کے مطابق، ریاست کے اُڈپی ضلع کے بیاندور تعلقہ کے قریب شرور ٹول بوتھ پر بدھ کو پیش آنے والے اس حادثے میں ایمبولینس میں سوار تین افراد اور اس کے ڈرائیور کی موت ہو گئی اور چار دیگر زخمی ہو



گئے۔

 زخمیوں میں سے دو کی حالت تشویشناک ہے، اس حادثے کی سی سی ٹی وی فوٹیج بھی منظر عام پر آ گئی ہے، جس میں ایک گارڈ نے ایمبولینس کو آتے دیکھ کر دو بیریئر ہٹا دیتا ہے، لیکن تیسرا بوم بیریئر کو اوپر کرنے کے پہلے ہی بے قابو ایمبولینس تیز رفتار سے آجاتی ہے اور کچھ ہی سکنڈ میں سب کچھ تباہ ہوجاتا ہے-

خیال کیا جا رہا ہے کہ ایمبولینس ڈرائیور نے گیلی سڑک پر بریک لگانے کی کوشش کی لیکن ناکام رہا اور گاڑی حادثے کا شکار ہو گئی۔