بلرام پور میں ہوئے زبردست سڑک حادثہ میں چھ افراد فوت

بلرام پور، 21 مئی (یو این آئی) اتر پردیش میں بلرام پور ضلع کے تلسی پور علاقے میں ہوئے ایک خوفناک سڑک حادثے میں ایس یو وی پر سوار چھ افراد کی ہلاک اور تین دیگر شدید زخمی ہو گئے۔

پولیس سپرنٹنڈنٹ راجیش کمار سکسینہ نے ہفتہ کو بتایا کہ یہ حادثہ گزشتہ دیر رات گنواریہ تیراہے کے قریب اس وقت پیش آیا جب مسافروں سے بھری دو بولیرو جیپیں آگے پیچھے گاسڈی کی طرف جا رہی تھیں کہ گنواریہ تیراہے



کے قریب سامنے سے آرہے ایک تیز رفتار ٹریکٹر آگے جارہی بولیرو سے ٹکراگیا اور اس کے پیچھے چل رہی ایک دیگر بولیرو بھی آگے جا رہی گاڑی سے ٹکرا گئی۔

اس حادثے میں چھ افراد ہلاک اور تین زخمی ہو گئے۔ مرنے والوں میں لکشمن (40)، شاداب احمد (26)، واپی (35)، شیو پرساد (52)، وسنت (32) اور ان کی بیوی امریتا (28) شامل ہیں جبکہ درگا پرساد (18)، امیش (12) اور انکت (13) کو تشویشناک حالت میں اسپتال میں داخل کرایا گیا ہے۔