شوریہ چکرمیڈ لسٹ بلوندر سنگھ کا گولی مار کر قتل

امرتسر، 16 اکتوبر (یواین آئی) پنجاب کے ترن ترن میں جمعہ کے روز کچھ نامعلوم افراد نے شوریہ چکر میڈل جیتنے والے بلوندر سنگھ کو گولی مار کر ہلاک کردیا۔

پولیس ذرائع نے بتایا کہ کچھ لوگ آج صبح مسٹر سنگھ کی رہائش گاہ پر پہنچے اور ان پر فائرنگ کردی جس سے ان کی موت واقع ہوگئی۔

بھارتیہ جنتا پارٹی کے قومی ترجمان اقبال سنگھ لال پورہ نے مسٹر سنگھ کے قتل کی شدید مذمت کی



ہے۔ انہوں نے کہا کہ ریاست میں امن وامان کی صورتحال مسلسل خراب ہورہی ہے اور بینک ڈکیتیوں ، قتل و غارت گری اور مافیا راج کی حوصلہ افزائی ہورہی ہے۔ انہوں نے کہا کہ کامریڈ بلوندر سنگھ نے دہشت گردی کے دور میں دہشت گردوں سے 13 بار لوہالیتے متعدد دہشت گردوں کو مار گرایا تھا۔

قابل ذکر ہے کہ کامریڈ بلوندر سنگھ نے پنجاب میں دہشت گردی کے دور میں متعدد دہشت گردوں کو ہلاک کیا تھا۔