شاہ رخ خان کو ملی جان سے مارنے کی دھمکی، 50 لاکھ روپے دینے کا مطالبہ

ذرائع:

بالی ووڈ کے معروف اداکار شاہ رخ خان کو 50 لاکھ روپے دینے کا مطالبہ کرتے ہوئے انھیں جان سے مارنے کی دھمکی دی گئی ہے۔ ممبئی پولیس نے بتایا کہ ایک نامعلوم شخص نے شاہ رخ خان کو دھمکی آمیز کال کی۔ باندرا پولیس اسٹیشن میں اس سلسلے میں مقدمہ درج کر لیا گیا ہے۔ نامعلوم شخص کے خلاف بھارتی قانون کی متعدد



دفعات کے تحت کیس درج کیا گیا ہے۔

یہ دھمکی چھتیس گڑھ کے شہر رائے پور سے براہ راست ممبئی پولیس کو دی گئی تھی، اور معلوم ہوا ہے کہ یہ دھمکی دینے والا شخص فیضان نامی نوجوان ہے۔ شاہ رخ خان کو ماضی میں، اکتوبر کے مہینے میں بھی دھمکی آمیز کالز موصول ہوئی تھیں۔ ان دھمکیوں کا سلسلہ ان کی فلمیں "پٹھان” اور "جوان” کی کامیابی کے بعد شروع ہوا۔