پٹنہ کے قریب دورنتو ایکسپریس میں ڈکیتی، 20 مسلح ڈاکو ایک ساتھ ٹرین میں داخل!

بہار کی راجدھانی پٹنہ کے قریب نئی دہلی سے ہاوڑہ جانے والی دورنتو ایکسپریس میں مسافروں کو لوٹنے کا واقعہ سامنے آیا ہے۔ بتایا جاتا ہے کہ بدمعاشوں نے ٹرین میں سوار خواتین کو لوٹ لیا اور وہاں سے چلے گئے۔ متاثرہ خواتین نے ہاوڑہ کے جی آر پی تھانے میں ایف آئی آر درج کرائی ہے۔

ہندوستان ٹائمز کی رپورٹ کے مطابق نئی دہلی ہاوڑہ دورنتو ایکسپریس (ٹرین نمبر 12274) پٹنہ سے جا رہی تھی کہ کسی نے ٹرین کی زنجیر کھینچ لی۔ ٹرین رکی تو 20 سے



زائد مسلح شرپسند ٹرین کی بوگی میں گھس گئے۔ اس کے بعد بدمعاشوں نے ٹرین میں موجود مسافروں کو لوٹ لیا۔ رپورٹ کے مطابق شرپسندوں نے ٹرین کی چھ سات بوگیوں میں گھس کر خواتین کو نشانہ بنایا۔ ایک خاتون کی زنجیر چھین لی جبکہ دوسرا خاتون کا بیگ لے کر فرار ہو گیا۔

پولیس میں درج ایف آئی آر میں خواتین نے کہا کہ بدمعاشوں کے پاس ہتھیار بھی تھے۔ ٹرین میں سفر کرنے والے مسافروں نے کہا شرپسندوں نے ہتھیاروں کی مدد سے انہیں ڈرایا۔ بدمعاشوں نے اس کی سونے کی چین اور بیگ چھین لیا اور وہاں سے فرار ہوگئے۔