نارائن پیٹ ضلع میں بھیانک سڑک حادثہ،پانچ افراد ہلاک دوکی حالت نازک

ذرائع:

نارائن پیٹ:تلنگانہ میں ایک خوفناک سڑک حادثہ پیش آیاہے۔اتوارکی شام نارائن پیٹ ضلع کے مکتھل منڈل کی جکلیرکے قریب قومی شاہراہ پر دو کاریں آپس میں ٹکرا گئیں۔ اس حادثے میں پانچ افراد کی موقع پر ہی موت ہو گئی۔ اوردو دیگر شدید زخمی ہوگئے۔ان کی حالت تشویشناک بتائی جارہی ہے۔ مقامی لوگوں



سے اطلاع ملنے کے بعد پولیس فوری طور پر موقع پر پہنچی اور زخمیوں کو اسپتال روانہ کیا۔بتایا جارہا ہے کہ مرنے والوں کاتعلق کرناٹک اور مہاراشٹر سے ہے۔حادثہ اتناخطرناک ہواہےکہ دونوں کاروں کے پرخچے اڑگئے ہیں۔ حادثے کی وجہ سے شاہراہ پر شدید ٹریفک جام ہوگیاتھا۔پولیس ایک کیس درج کرکے مزید تحقیقات کررہی ہے۔