شاہجہاں پور میں خوفناک حادثہ: ٹرک کی ٹکر میں 12 عقیدت مندوں کی موت، سبھی آٹو سے گنگا میں نہانے جارہے تھے

ذائع:

شاہجہاں پور:اترپردیش کے شاہجہاں پور ضلع میں ایک خوفناک سڑک حادثہ پیش آیا ہے۔ اللہ گنج تھانہ علاقہ میں بریلی فرخ آباد ہائی وے پر ایک تیز رفتار ٹرک نے ایک آٹو کو ٹکر مار دی۔ حادثے میں 12 عقیدت مندوں کی موت ہو گئی ہے۔

شاہجہاں پور کے مدنا پور تھانہ علاقہ کے دمگڑا گاؤں سے گنگا میں نہانے جا رہے عقیدت مندوں کے آٹو کو ٹرک نے ٹکر مار دی۔اس خوفناک سڑک حادثے میں 12 افراد ہلاک ہو گئے۔ یہ حادثہ جمعرات کی صبح تقریباً 10:30 بجے بریلی-فرخ آباد ہائی وے پر اللہ گنج کے سوگسوگی گاؤں کے قریب پیش آیا۔ حادثے پر گہرے دکھ کا اظہار کرتے ہوئے چیف منسٹر آدتیہ ناتھ نے مرنے والوں کے اہل خانہ سے تعزیت کا اظہار کیا ہے۔

بتایا جا رہا ہے کہ آٹو میں 12 لوگ سوار



تھے۔ حادثے میں آٹو ڈرائیور سمیت سبھی کی موت ہوگئی۔ حادثے کے بعد ٹرک ڈرائیور فرار ہو گیا۔ واقعہ کی اطلاع ملتے ہی ڈی ایم اومیش پرتاپ سنگھ، ایس پی اشوک کمار مینا اور جلال آباد کے ایم ایل اے ہری پرکاش ورما موقع پر پہنچ گئے۔ گاؤں والوں کو واقعہ کی اطلاع دی۔ پولیس نے ٹرک کو قبضے میں لے کر واقعے کی تفتیش شروع کردی ہے۔

جانکاری کے مطابق دمگڑا گاؤں کے لوگ آٹو سے فرخ آباد کے پنچال گھاٹ پر گنگا میں نہانے جارہے تھے۔ بریلی فرخ آباد ہائی وے پر اللہ گنج کے سوگسوگی گاؤں کے قریب سامنے سے آنے والے ایک ٹرک نے آٹو کو ٹکر مار دی۔ تصادم اتنا شدید تھا کہ آٹو کے ٹکڑے ٹکڑے ہو گئے۔ اس میں سوار 12 عقیدت مندوں کی موقع پر ہی موت ہو گئی۔ مرنے والوں میں آٹھ مرد، تین خواتین اور ایک بچہ شامل ہے۔