نصف شب شراب کی محفل پر پولیس کا چھاپہ کئی مشہور شخصیحات گرفتار اور رہا

ممبئی ، 22دسمبر (یو این آئی) ممبئی پولیس نے مضافات کے مشہور جے ڈبلیو میریٹ نامی ہوٹل میں واقع ڈریگن فلائی پب میں نصف شب اور اعلی صبح تک چلنے والی شراب اور رقص کی محفل پر چھاپہ مار کر 34 افراد کے خلاف مقدمہ درج کیا۔

ان پر الزام ہیکہ وہ کوویڈ 19 پروٹوکول کی خلاف ورزی کر رہے تھے مقدمہ کے اندراج کے بعد انھیں گرفتار کرکے فوری طور پر رہا کیا گیا گرفتار شدگان میں کئی ایک مشہور شخصیات بھی شامل ہیں جس میں کرکٹر سریش رائنا گلوکار گرو رندھاوا کا نام قابل ذکر ہیں-

جوائنٹ پولیس کمشنر وشواس ناگرئے پاٹل نے بتایا پولیس کو اطلاع ملی تھی کہ متزکرہ پب میں ایک بڑی تعداد تعداد میں شرکاء محفل بغیر ماسک پہننے اور جسمانی دوری رکھے بغیر محفل شراب ورقص سجائے ہوئے ہے جسکے بعد مقامی سہار پولیس اور گامدیوی پولیس کے عملے نے صبح تقریبا تین بجے یہ چھاپہ مارا

انہوں نے واضح کیا کہ اس پارٹی میں منشیات کا استعمال نہیں ہورہا تھا اور نہ ہی پولیس پارٹی میں خلل ڈالنا چاہتی تھی لیکن رات کی پابندیوں کی خلاف



ورزیوں اور کوویڈ پروٹوکول پر عمل پیرا نہ ہونے کی اطلاع ملنے کے بعد یہ کاروائی کی گئیں-

اگرچہ نانگرئے پاٹل نے گرفتار شدگان کا نام ظاہر کرنے سے انکار کردیا لیکن سرکاری ذرائع نے بتایا کہ جن افراد کے خلاف کاروائ کی گئ ان میں کرکٹر سریش رائنا ، گلوکار گرو رندھاوا ، سوسن روشن خان شامل ہیں ، جبکہ مبینہ طور پر ایک اور مشہور گلوکار پب کے پچھلے درواذے سے فرار ہونے میں کامیاب ہوگئی ، جبکہ چند نوجوان لڑکیاں جنہوں نے موقع سے فرار ہونے کی کوشش کی تھی انھیں گرفتار کر لیا گیا-

پولیس نے بتایا کہ جن 34 افراد کے خلاف مقدمہ درج کیا گیا ہے ان میں 7 ہوٹل کے عملے کے افراد اور 27 شرکاء محفل گاہگ شامل ہیں ، جن میں نئی ​​دہلی اور پنجاب سے تعلق رکھنے والے 19 افراد کے ساتھ ساتھ ممبئی کے ، فلم اور گلیمر دنیا کی متعدد مشہور شخصیات شامل ہیں۔

ایک بیان میں کرکٹر سریش رینا نے کہا کہ وہ ایک شوٹنگ کے لئے ممبئی میں تھے جو دیر تک جاری تھی نیز آج صبح دہلی واپسی سے قبل انھیں ایک دوست نے اعلی صبح عشائیہ کے لئے بلایا تھا۔