حیدرآباد میں طالبہ کو بالوں سے گھسیٹنے پر پولیس اہلکار معطل

حیدرآباد: حیدرآباد میں گزشتہ ہفتے احتجاج کے دوران ایک طالبہ کو بالوں سے گھسیٹنے والی پولیس خاتون کو معطل کردیا گیا ہے۔

پیر کو سائبرآباد کے پولس کمشنر اویناش موہنتی نے راجندر نگر پولیس اسٹیشن میں خدمات انجام دے رہے کانسٹیبل کو معطل کرنے کا حکم دیا۔

قبل ازیں، قومی انسانی حقوق کمیشن نے بھی تلنگانہ حکومت کو نوٹس جاری کرتے ہوئے چار ہفتوں کے اندر اس واقعہ کی تفصیلی رپورٹ طلب کی تھی۔

ریاستی حکومت سے کہا گیا ہے کہ وہ حیدرآباد میں طالبہ کو بالوں سے گھسیٹنے والے پولیس اہلکاروں کے خلاف کی گئی کارروائی کے بارے میں مطلع کرے۔

یہ واقعہ گزشتہ ہفتے پروفیسر جے شنکر تلنگانہ اسٹیٹ ایگریکلچر یونیورسٹی، راجندر نگر، حیدرآباد کے کیمپس میں پیش آیا،



ہائی کورٹ کی تعمیر کے لیے یونیورسٹی کی اراضی الاٹ کیے جانے کے خلاف طلباء نے احتجاج کیا تھا جس کے دوران یہ واقعہ پیش آیا۔

حیدرآباد میں طالبہ کے خلاف کارروائی کی ویڈیو نے غم و غصے کو جنم دیا۔

ویڈیو کے وائرل ہونے کے بعد بی آر ایس اور بی جے پی نے اس واقعہ کی مذمت کی اور ملوث پولیس اہلکاروں کے خلاف فوری کارروائی کا مطالبہ کیا۔

اس واقعہ کے بعد، بی آر ایس لیڈر کے کویتا نے اس کی مذمت کرتے ہوئے انسانی حقوق کمیشن پر زور دیا کہ وہ ملوث افراد کے خلاف فوری اور سخت کارروائی کرے۔

"تلنگانہ پولیس کا حالیہ واقعہ انتہائی تشویشناک اور قطعی طور پر ناقابل قبول ہے۔ ایک پرامن طلباء مظاہرین کو گھسیٹنا اور مظاہرین کے ساتھ ناروا سلوک کرنا پولیس کے اس طرح کے جارحانہ ہتھکنڈوں کی ضرورت پر سنگین سوالات اٹھاتا ہے۔