ہوا میں اڑتے جہاز کا مسافر نے کھول دیا ایمرجنسی دروازہ، پھر کیا ہوا؟

سیئول، 26 مئی (ذرائع) جنوبی کوریا کی ایشیانا ایئرلائنز کی پرواز میں ایک مسافر نے پرواز کا ایمرجنسی ایگزٹ گیٹ درمیان سفر آسمان کی بلندی میں ہی کھول دیا۔ یہ واقعہ لینڈنگ سے کچھ دیر پہلے پیش آیا۔ اس وقت پرواز تقریباً 650 فٹ کی بلندی پر تھا۔ مسافر کو گرفتار کر لیا گیا ہے۔ ایشیانا ایئر لائنز معاملے کی تحقیقات کر رہی ہے۔

خبر رساں ادارے اے ایف پی کی رپورٹ کے مطابق یہ واقعہ جمعہ کے روز پیش آیا۔ ایئربس A321-200 میں عملے کے 6 ارکان اور 194 مسافر سوار تھے۔ یہ گھریلو پرواز دارالحکومت سیئول سے تقریباً 240 کلومیٹر جنوب مشرق میں ڈائیگو انٹرنیشنل ایئرپورٹ پر اترنے والی تھی۔ رپورٹ کے مطابق جب پرواز تقریباً 200 میٹر (650 فٹ) ہوا میں تھی تو اس کے ایمرجنسی ایگزٹ کے قریب بیٹھے ایک مسافر نے گیٹ کھول دیا۔ جنوبی کوریا کی خبر رساں ایجنسی 'یونہاپ' نے بتایا کہ 9 افراد کو ہاسپٹل میں شریک کرایا گیا- فوٹیج میں دیکھا جا سکتا ہے کہ درمیان میں فلائٹ کا ایمرجنسی ایگزٹ گیٹ کھلنے کے ساتھ ہی تیز ہوا کی وجہ سے سب کچھ ادھر ادھر ہونے لگا، کچھ مسافروں کو خوف سے چیختے ہوئے دیکھا جا سکتا ہے۔