راجوری میں ایل او سی پر پراسرار دھماکہ، ایک افسر سمیت دو فوجی جاں بحق

سری نگر، 30 اکتوبر (یو این آئی) جموں و کشمیر کے ضلع راجوری میں لائن آف کنٹرول (ایل او سی) کے نوشہرہ سیکٹر میں ہفتے کو ہونے والے ایک پراسرار دھماکے میں لیفٹیننٹ رینک کے ایک افسر سمیت دو فوجی جاں بحق ہوئے ہیں۔

سرکاری ذرائع نے بتایا کہ نوشہرہ کے کلال علاقے میں معمول کی گشت کے دوران



ایک پراسرار دھماکہ ہوا جس میں ایک لیفٹیننٹ سمیت دو فوجی جوان زخمی ہوئے۔

انہوں نے بتایا کہ زخمی جوانوں کو فوری طور پر قریبی آرمی ہسپتال لے جایا گیا لیکن وہ جانبر نہ ہو سکے۔

فوج نے اس واقعے کی تصدیق کی ہے تاہم یہ رپورٹ فائل کئے جانے تک مہلوک فوجیوں کی شناخت ظاہر نہیں کی گئی تھی۔