فیس بک پوسٹ لکھنے کے بعد ریزرویشن کی مانگ کو لے کر ایک شخص نے کی خودکشی

اورنگ آباد (مہاراشٹر)/30جولائی(ایجنسی) مراٹھا ریزرویشن کی مانگ کو لے کر 35 سالہ ایک شخص نے چلتی ٹرین کے سامنے چھلانگ لگا کر مبینہ طور پر خودکشی کر لی. مکوندواڑی تھانے کے سینئر انسپکٹر ناتھا جادھو نے بتایا کہ پرمود جے سنگھ نے ایک دن پہلے فیس بک اور واٹس ایپ پر لکھا تھا کہ وہ ریزرویشن کے مطالبہ کی حمایت میں اپنی جان دے دے گا. اس نے مکوندواڑی علاقے میں چلتی ٹرین کے سامنے مبینہ طور پر چھلانگ لگا دی. مہاراشٹر میں



اب تک مراٹھا سماج کے چار لوگوں نے ریزرویشن کی مانگ کو لے کر خودکشی کی ہے.

ایک پولیس افسر کے مطابق، جے سنگھ نے فیس بک پر لکھا تھا، 'آج ایک مراٹھا چھوڑ کر جا رہا ہے ....... لیکن مراٹھا ریزرویشن کے لئے کچھ کیجیے.' مہاراشٹر پبلک سروس کمیشن کے امتحان کی تیاری میں لگے جے سنگھ نے ایک اور پیغام میں لکھا تھا، 'مراٹھا ریزرویشن ایک جان لے گا.' اس کے کئی دوستوں نے اسے ایسا نہ کرنے کی درخواست کی لیکن اس نے کسی کی بھی نہیں سنی.