سالگرہ ٹرپ پر شوہر کا انکار، بیوی کے پنچ مارنے سے ہوئی شوہر کی موت

پونے، 25 نومبر (ذرائع) ایک چونکا دینے والے واقع میں 36 سالہ شخص کو ناک پر پنچ مارنے سے موت ہوگئی، بتادیں کہ یہ پنچ (گھونسا) شخص کی بیوی نے مارا، کیونکہ وہ سالگرہ کی تقریب کے لیے دبئی لے جانے سے انکار کررہا تھا-

یہ واقعہ جمعہ کے روز مہارشٹرا کے پونے کے واناوڈی علاقے میں ایک پوش رہائشی سوسائٹی اپارٹمنٹ میں پیش آیا۔

متاثرہ شخص کی شناخت نکھل



کھنہ کے طور پر ہوئی ہے جو کہ تعمیراتی صنعت کا ایک تاجر ہے، شخص نے چھ سال قبل اپنی بیوی رینوکا (38) کے ساتھ محبت کی شادی کی تھی۔

واناوڈی پولیس اسٹیشن میں تعینات ایک سینئر پولیس افسر کے مطابق، “یہ واقعہ جمعہ کی دوپہر کو پیش آیا۔

دریں اثنا، پولیس نے رینوکا کے خلاف آئی پی سی کی دفعہ 302 کے تحت مقدمہ درج کر لیا ہے اور مزید تفتیش کے لیے اسے گرفتار کر لیا ہے۔