حیدرآباد میں بارش کے دوران بڑے حادثات ٹل گئے، ٹینک بنڈ میں سیاحوں کو لے جانے والی کشتی بے قابو

حیدرآباد شہر میں منگل کی رات 8 بجے سے اچانک تیز ہواؤں کے ساتھ بارش شروع ہوگئی۔

اس دوران تیز ہواؤں کے باعث حسین ساگرمیں سیاحوں کو لے جانے والی کشتی بے قابو ہوکر کچھ فاصلے تک بہہ گئی ۔ 

یہ کشتی 40 سیاحوں کو لے کر کے بدھ کی سمت جا رہی تھی، پہنچنے سے پہلے ہی ہوا کے تیز جھونکوں کی وجہ سے بے قابو ہو کر کچھ دور تک بہہ گئی جس پر عملہ فوری طور پر وہاں پہنچ گیا اور سیاحوں کو بچا کر بحفاظت کنارے تک لایا گیا۔

حیدرآباد کے کئی علاقوں میں تیز ہواؤں کے ساتھ بارش ہوئی۔ شہر کے گچی باولی، کونڈا پور اور رائے درگم میں گرج چمک کے ساتھ بارش ہوئی۔ چندا نگر، میاں پور، بالا نگر، سورارام، سیری لنگم پلی، پٹن چیرو، امین پور، الوال، نظام پیٹ ، ملکا



جیگری، امیرپیٹ، پنجہ گٹہ، ای سی آئی ایل، ایس آر نگر، کوکٹ پلی، موسی پیٹ، پرگتی نگر، باچوپلی میں شدید بارش ہوئی۔ شدید بارش کے باعث  کئیں درخت ٹوٹ کر راستوں پر گر پڑے جس کی وجہ سے برقی کی سربراہی بند ہو گئی۔ موسلادھار بارش کے باعث موٹر سائیکل سواروں کو شدید مشکلات کا سامنا کرنا پڑا۔ کئی علاقوں میں گاڑیاں کلومیٹر دور تک پھنسی رہیں اور ٹریفک جام ہوگیا۔

حیدرآباد کے پرانے شہر کے سنتوش نگر، چمپاپیٹ، سعیدآباد، سرور نگر، بہادر پورہ، فلک نما، چندرائن گٹہ، بارکس میں زور دار بارش ہوئی ۔ کئی علاقوں میں سڑکیں زیر آب آ گئیں۔ مشیرآباد، آر ٹی سی کراس روڈ، چکڑپلی، باغ لنگم پلی ، رام نگر، ایڈک میٹ، کاواڑی گوڑا، گاندھی نگر، عنبرپیٹ، گول ناکا، کاچی گوڑا، نلہ کنٹہ، ودیا نگر میں گرج چمک کے ساتھ موسلادھار بارش ہوئی۔