مہاراشٹر: اورنگ آباد میں سڑک حادثہ، تین افراد ہلاک

اورنگ آباد، 19 مارچ (یو این آئی) اورنگ آباد میں گنگا پور-ویجا پور روڈ پر نندور مدنمیشور نہر کے قریب جمعہ کی رات ایک پک اپ وین کے گنے سے بھرے ٹرک سے ٹکرانے سے تین مزدوروں کی موت ہو گئی اور ایک زخمی ہو گیا۔ پولس نے ہفتہ کو یہ اطلاع دی۔

پولیس کے مطابق یہ واقعہ رات 10 بجے کے قریب اس وقت پیش آیا جب گنگا پور کی طرف جانے والی ایک پک اپ وین مخالف سمت سے آنے والے گنے سے بھرے ٹرک سے



ٹکرا گئی۔

اس تصادم میں پک اپ وین کو بھی نقصان پہنچا اور اس میں سوار تین افراد موقع پر ہی جاں بحق جبکہ ایک شدید زخمی ہوگیا۔

مرنے والوں کی شناخت روہت سرواسے (28)، اکشے کھرساگر (20) اور گنیش شرسات (30) کے طور پر کی گئی ہے۔ سبھی کو گنگاپور کے سب ڈسٹرکٹ اسپتال لے جایا گیا جہاں انہیں مردہ قرار دے دیا گیا۔

پولیس نے بتایا کہ زخمی شیوشنکر سانگوی کو اسپتال میں داخل کرایا گیا ہے۔