نابالغ کا اغوا کرکے اجتماعی آبروریزی:مدھیہ پردیش

ضلع پنا/6جون(ایجنسی) مدھیہ پردیش کے ضلع پنا میں ایک نابا لغہ کا اغوا کر کے 6 ملزموں کے ذریعہ آبرو ریزی کا سنسنی خیز معاملہ سامنے آیا ہے۔ متاثرہ نابالغہ کی حالت نازک ہونے کی وجہ سے اسے ضلع کٹنی کے اسپتال میں داخل کرایا گیا ہے۔ ریپورہ تھانہ پولیس نے متاثرہ اور اس کے والد اور بھائی



کا بیان درج کرکے نامزد ملزموں کی تلاش شروع کردی ہے ۔

پولیس ذرائع سے ملی اطلاع کے مطابق 3 جون کو متاثرہ اپنے گھر کے آنگن میں سو رہی تھی۔ اسی دوران ملزموں نے اس کا منھ دبا دیا اور جنگل کی طرف اٹھا کرلے گئے ۔ پھر اس کے ساتھ اجتماعی آبرو ریزی کی ۔ بیہوشی کی حالت میں نابالغہ کو ملزموں نے نوتعمیر پردھان منتری آواس میں چھوڑ کر فرار ہو گئے تھے۔