تلنگانہ میں وکیل اور انکی اہلیہ کا دن دہاڑے قتل

حیدرآباد،17 فروری(ذرائع) تلنگانہ کے پیداپلی سے ایک وکیل جوڑے کا ایسا چونکا دینے والا ویڈیو سامنے آیا ہے جس میں ان دونوں کو دن کے وقت میں قتل کردیا گیا- خاتون کا ایک ایسا ویڈیو بھی ہے جس میں ناگامنی نام کی خاتون زخموں کے درمیان اس کار میں پھنسی دیکھ رہی ہے جس میں یہ جوڑا سفر کررہا تھا-

خاتون کے شوہر ومن راؤ سڑک پر خون سے لت پت پڑے تھے- ویڈیو میں وہ کسی کو اپنی پہچان بتانے اور حملہ



کرنے والوں سے متعلق سوال کا جواب دیتے ہوئے نظر آرہے ہیں- اس جوڑے کو ہاسپٹل میں منتقل کیا گیا جہاں دونوں کی موت ہوگئی-

ان کی شناخت وامن راو، ان کی اہلیہ ناگامنی کے طورپر کی گئی ہے جو منتھنی کی عدالت کے کام کاج کی تکمیل کے بعد حیدرآباد جارہے تھے کہ راستہ میں راماگری منڈل کے کلواچرلہ پٹرول پمپ کے قریب پہلے سے موجود نامعلوم حملہ آوروں نے ان پر پے پردپے حملہ کردیا جس کے نتیجہ میں یہ جوڑا شدید زخمی ہوگیا۔