حیدرآباد کے پرانا شہر میں اظہر الدین نامی شخص نے خود کا گلا کاٹ لیا

حیدرآباد _ 24 جنوری  حیدرآباد کے پرانا شہر کے تالاب کٹہ بھوانی نگر علاقہ روڈ نمبر2بی میں ایک شخص کی مشتبہ حالت میں موت ہوگئی۔اطلاع ملتے ہی پولیس وہاں پہنچی۔ پولیس نے بتایا کہ تیز دھارہتھیار سے خود کا گلا کاٹ لینے کی اطلاع پر وہ وہاں پہنچی۔32سالہ محمد اظہرالدین کے ہاتھ کے قریب ہی چاقو تھی۔وہ کینسر کے مریض



تھے۔لاش کو پوسٹ مارٹم کے لئے بھیج دیاگیا ہے اور معاملہ درج کرکے جانچ کی جارہی ہے۔پولیس نے کہا کہ انتہائی اقدام کے وقت وہ گھر میں تنہا تھے۔گذشتہ 15تا20دن سے وہ سسرال میں مقیم تھے اور کل ہی گھر کو آئے۔دوبارہ سسرال کو واپس نہ جانے پر ان کے ایک رشتہ دارنے گھر پہنچ کر دیکھا تو ان کو مردہ حالت میں دیکھ کر پولیس کو اس بات کی اطلاع دی گئی۔