حیدرآباد: باپ نے کار میں بیٹھ کر تین بچوں سمیت جھیل میں لگائی چھلانگ

حیدرآباد: ایک چونکا دینے والے واقعے میں چہارشنبہ کی صبح عبداللہ پورمیٹ میں ایک شخص نے اپنے تین بچوں سمیت اپنی کار میں بیٹھ کرجھیل میں چھلانگ لگادی اور اپنی زندگی کا خاتمہ کرنے کی کوشش کی۔

ونستھلی پورم کے بی این ریڈی نگر کا رہنے والا اشوک اپنے تین بچوں کے ساتھ صبح تقریباً 6 بجے عبداللہ پورمیٹ میں انم گوڑا جھیل پر گیا۔ اس نے



گاڑی کے تمام دروازے بند کیے اور پھر اسے جھیل میں ڈال دیا۔ جائے واقعہ پر موجود لوگوں نے پولیس کو اطلاع دی اور انہیں بچانے کی کوششیں شروع کر دیں۔ کافی کوششوں کے بعد چاروں کو بحفاظت نکال لیا گیا۔

عبداللہ پورمیٹ پولیس اسٹیشن کے ایک اہلکار نے بتایا کہ اشوک کو اپنی بیوی کے ساتھ کچھ مسائل تھے اور وہ جھگڑے کے بعد بچوں کے ساتھ گھر سے نکل گیا۔ اس واقعہ میں پولیس مزید تفتیش کر رہی ہے۔