حیدرآباد کا طالب علم 2 ہفتوں سے امریکہ میں لاپتہ، اہل خانہ کو تاوان کی کال موصول

حیدرآباد کا ایک 25 سالہ طالب علم 7 مارچ سے امریکہ میں لاپتہ ہے۔ہندوستان میں ان کے اہل خانہ کا کہنا ہے کہ ان سے تاوان کا مطالبہ کیا گیا تھا۔ عبدالمحمد جو کلیولینڈ یونیورسٹی میں انفارمیشن ٹیکنالوجی (IT) میں ماسٹرز کی ڈگری حاصل کر ر ہے ہیں جس کو اغوا کرلیا گیا۔ 

عبدالمحمد کے والد محمد سلیم نے بتایا کہ ان کی اپنے فرزند سے آخری مرتبہ 7 مارچ کو بات ہوئی تھی، مزید



محمد سلیم نے بتایا کہ اس ہفتے کے آخر میں ایک نامعلوم نمبر سے ان کو ایک فون کال موصول ہوئی جس میں نامعلوم افراد نے 1,200 ڈالر تاوان کا مطالبہ کیا اور دھمکی دی کہ اگر رقم ادا نہیں کی گئی تو عبدالمحمد کا گردہ فروخت کردیا جائیگا۔ 

امریکہ میں عبدالمحمد کے رشتہ داروں نے کلیولینڈ پولیس میں شکایت درج کرائی جس نے لک آؤٹ نوٹس جاری کیا۔ اس خاندان نے 18 مارچ کو شکاگو میں انڈین کونسل کو بھی مطلع کیا تاکہ عبدالمحمد کا پتہ لگایا جاسکے۔