حیدرآباد: ایل بی نگر کی مسجد پر پیٹرول ڈالنے والے شخص گرفتار

حیدرآباد: ایل بی نگر پولیس نے جمعرات 25 اپریل کو مسجد مصطفیٰ کے دروازے پر پیٹرول نما چیز ڈالنے کے الزام میں ایک شخص کو گرفتار کرلیا۔ یہ واقعہ چہارشنبہ کی علی الصبح پیش آیا۔ مسجد کمیٹی کی شکایت کے مطابق یہ واقعہ مسجد کے قریب شادی کے جلوس کے دوران دو گروپوں کے درمیان جھگڑے کے بعد پیش آیا۔

مسجد کمیٹی کے صدر محمد تاج نے بتایا کہ مقامی باشندوں نے نمازیوں کو پریشانی سے بچنے کے لیے جلوس سے آگے بڑھنے کی درخواست کی تھی۔ جس سے دونوں گروپوں میں معمولی تکرار ہوئی۔ پولیس نے



پہنچ کر صورتحال پر قابو پالیا۔ انہوں نے چند لوگوں کو بھی حراست میں لیا جو شادی کی بارات کا حصہ تھے اور نشے کی حالت میں تھے۔

اس کے بعد صورتحال یہاں تک بڑھ گئی کہ شادی کی بارات میں سے ایک شخص مسجد واپس آیا اور داخلی دروازے پرپیٹرول نما چیز ڈال دیا۔ یہ واقعہ سی سی ٹی وی کیمرے میں قید ہو گیا۔ تاہم، پولیس نے کہا کہ یہ ایک "کولڈ ڈرنک" ہے نہ کہ پیٹرول یا شراب، اس کے باوجود کہ مقامی باشندوں نے کہا کہ یہ پیٹرول ہے۔

ملزم جس کی شناخت ظاہر نہیں کی گئی، اس کو جوڈیشل ریمانڈ پر بھیج دیا گیا ہے۔ اس میں ملوث دیگر افراد بھی فرار ہیں۔