حیدرآباد: سابق BRS رکن اسمبلی شکیل کا بیٹہ پنجگٹہ روڈ حادثہ کیس میں گرفتار

حیدرآباد: پنجا گٹہ پولیس نے بی آر ایس کے سابق رکن اسمبلی بودھن عامر شکیل کے بیٹے راحیل شکیل کو راجیو گاندھی انٹرنیشنل ایئرپورٹ سے گرفتار کیا ہے۔

راحیل دبئی سے واپس آرہا تھا کہ اسے گزشتہ سال پیش آنے والے ایک سڑک حادثے کے معاملے میں حراست میں لے لیا گیا۔

پنجا گٹہ پولیس کے مطابق، راحیل نے دسمبر 2023 میں پرجا بھون کے سامنے شراب کے نشے میں دھت



ڈیوائیدر کو اپنی کار سے ٹکر ماردی تھی۔

راحیل دبئی فرار ہوگیا تھا، ایک اور شخص کو پولیس کے سامنے بطور ملزم پیش کیا گیا۔ تاہم، آخرکار پردہ پوشی کا انکشاف ہوا اور اس معاملے کو چھپانے کے لیے شکیل کے ساتھ اس کی مبینہ ملی بھگت پر پنجگٹہ پولیس اسٹیشن کے ایک انسپکٹر کو معطل کر دیا گیا۔

سابق ایم ایل اے عامر شکیل کو دیگر رشتہ داروں کے ساتھ کیس میں ایک ملزم کے طور پر حوالہ دیا گیا ہے جنہوں نے راحیل کو دبئی فرار ہونے میں مدد کی۔