آوارہ کتوں نے 5 سالہ بچے کی جان لے لی

نظام آباد، 21 فروری (ذرائع) تلنگانہ کے حیدرآباد میں ایک پانچ سالہ بچے پر آوارہ کتوں نے حملہ کردیا۔ اس حملے میں بچہ موقع پر ہی دم توڑ گیا۔ یہ دل دہلا دینے والا واقعہ اتوار کو پیش آیا۔ معلومات کے مطابق پانچ سالہ پردیپ اپنے والد کے ساتھ کام پر گیا ہوا تھا۔ بچے کا باپ سیکیورٹی گارڈ کے طور پر کام کرتا ہے اور اس کے بیٹے پر یہ حملہ کتوں نے کیا- یہ پورا واقع احاطے



میں لگے سی سی ٹی وی کیمرے میں قید بھی ہوگیا- ویڈیو میں بچہ احاطے میں اکیلے چلتا نظر آرہا ہے- تبھی تین کتے بچے کی طرف بڑھتے ہوئے آتے ہیں اور اسے گھیر لیتے ہیں-

خوفزدہ بچے نے بھاگنے کی کوشش کی لیکن ناکام رہا۔ کتوں نے پہلے اس کے کپڑے کھینچے، اس دوران بچے نے خود کو بچانے کی کوشش بھی کی۔ لیکن کتوں نے اس پر حملہ کر کے اسے گرا دیا اور جلد ہی اس پر قابو پا کر اسے کاٹنا شروع کر دیا۔