بھاگلپور میں دھماکے سے مکان منہدم، چھ افراد کی موت

بھاگلپور، 4 مارچ (یو این آئی) بہار میں شہر بھاگلپور کے تاتارپور علاقے میں جمعرات کی دیر رات زور دار دھماکے سبب ایک مکان گرنے سے چھ افراد کی موت ہو گئی اور 12 دیگر زخمی ہو گئے بھاگلپور کے ڈپٹی انسپکٹر جنرل آف پولیس سوجیت کمار نے جمعہ کو یہاں بتایا کہ کاجولیچک محلے میں ایک تین منزلہ مکان جمعرات کی دیر رات زور دار دھماکے سے منہدم ہو گیا اور اس کے ملبے تلے دب کر کم از کم چھ افراد ہلاک اور 12 افراد زخمی ہو



گئے۔ انہوں نے بتایا کہ تمام زخمیوں کو بھاگلپور کے صدر اسپتال اور جواہر لال نہرو میڈیکل کالج اسپتال میں داخل کروایا گیا ہے۔ کئی زخمیوں کی حالت تشویشناک ہے۔

مسٹر کمار نے کہا کہ زور دار دھماکے کی وجہ سے منہدم ہونے والے مکان کے ملبے کو صاف کرنے کا کام تیزی سے جاری ہے اور ملبہ ہٹانے کے بعد ہلاکتوں کی تعداد میں اضافہ ہو سکتا ہے۔ اس حادثے میں تباہ شدہ مکان کے قریب دو افراددیگر مکانات کو بھی نقصان پہنچا ہے۔