ہولی پر جاپانی لڑکی کے ساتھ بدتمیزی کا ویڈیو وائرل

نئی دہلی، 10 مارچ (ذرائع) 8 مارچ کو دارالحکومت دہلی میں ہولی کے جشن کے دوران ایک جاپانی لڑکی کے ساتھ چھیڑ چھاڑ، ہراساں کرنے اور حملہ کرنے کا معاملہ سامنے آیا ہے۔ معلومات کے مطابق ہولی کھیلتے ہوئے مردوں کے ایک گروپ نے جاپانی لڑکی کے ساتھ بدتمیزی کی۔ اس واقعے کی ویڈیو سوشل میڈیا پر وائرل ہو رہی ہے۔ اس ویڈیو پر سوشل میڈیا صارفین بھی غصے کا اظہار کر رہے



ہیں۔ اس معاملے میں سخت کارروائی کا مطالبہ کیا جا رہا ہے۔ ابھی تک اس معاملے میں کوئی شکایت نہیں دی گئی ہے، لیکن دہلی پولیس نے خود نوٹس لیتے ہوئے معاملے کی جانچ شروع کر دی ہے۔ ویڈیو میں دیکھا جا سکتا ہے کہ وہ ایک جاپانی لڑکی کو پکڑے ہوئے ہے اور اس پر زبردستی رنگ لگاتے ہوئے "ہولی ہے" کے نعرے لگا رہے ہیں۔ ویڈیو میں ایک لڑکے کو لڑکی کے سر پر انڈا توڑتے ہوئے بھی دیکھا جا سکتا ہے۔