راجستھان میں نفرت انگیز پوسٹرز، مسلمانوں کو جائیدادیں بیچنے یا کرائے پر دینے سے باز رہنے کی تاکید

راجستھان: ملک بھر میں مسلم مخالف نفرت کے ایک اور معاملے میں، راجستھان میں جے پور کے نند پوری محلے میں کچھ پوسٹر نمودار ہوئے، جن میں مقامی لوگوں سے کہا گیا کہ وہ مسلمانوں کو جائیدادیں بیچنے یا کرائے پر دینے سے باز رہیں۔

جے پور پولیس نے 28 فروری بروز چہارشنبہ پوسٹرز کے ظاہر ہونے کے فوراً بعد انہیں ہٹا دیا۔ پی ٹی آئی کے مطابق، پوسٹرز میں لکھا گیا ہے، ’’ہندوؤں سے اپیل: متحد رہیں اور



مسلم جہاد کے خلاف اٹھ کھڑے ہوں۔‘‘

پوسٹرز پہلی بار دس دن پہلے شائع ہوئے تھے، جس میں ہندوؤں سے ’مسلمانوں کے خلاف متحد‘ ہونے کی اپیل کی گئی تھی۔ ایک وارڈ کونسلر انیتا جین نے انڈین ایکسپریس کو بتایا، ’’یہ کچھ دن پہلے ایک رہائشی نے اپنی جائیداد ایک مسلم خاندان کو فروخت کرنے کے بعد پیش آیا۔

اس کے بعد کچھ لوگوں نے مسلم مخالف پوسٹر چسپاں کئے۔ اس کے بعد پولیس نے مقامی لوگوں سے پوسٹرز ہٹانے کو کہا، تاہم مقدمہ درج نہیں کیا گیا۔