گجرات: نماز ادا کرنے والے غیر ملکی طلباء پر حملے کے الزام میں دو ملزم گرفتار

گجرات پولیس نے اتوار17 مارچ کو 16 مارچ کی رات دیر گئے گجرات یونیورسٹی (GU) کے ہاسٹل میں نماز ادا کرنے والے بین الاقوامی مسلم طلباء پر حملے کے سلسلے میں دو افراد کو گرفتار کیا۔

احمد آباد کے دو رہائشیوں ہتیش میواڈا اور بھرت پٹیل کو تعزیرات ہند کی متعدد دفعات کے تحت گرفتار کیا گیا۔ پولیس



نے 20-25 لوگوں کے خلاف مقدمہ بھی درج کیا ہے۔

ازبکستان، افغانستان، جنوبی افریقہ اور سری لنکا سے تعلق رکھنے والے تقریباً پانچ طالب علم تراویح کی نماز ادا کر رہے تھے جب زعفرانی شالوں میں ملبوس دائیں بازو کی تنظیم کے ارکان نے ہنگامہ آرائی کی اور ان پر حملہ کیا۔ یہ واقعہ بلاک اے ہاسٹل میں پیش آیا جہاں غیر ملکی طلبہ رہائش پذیر ہیں۔