دلہے کی کار نے باراتیوں کو کچلا، 25 سے زائد زخمی

رائے پور/13فروری(ایجنسی) چھتس گڑھ کے جنجگیر - چمپا ضلع میں ایک سڑک حادثے میں 25 سے زائد لوگ زخمی ہوگئے. 9 لوگوں کو رائے گڑھ کے اسپتال میں شریک کروایا گیا ہے، جہاں انکی حالت نازک بتائی جارہی ہے، وہیں اس دردناک سڑک حادثے کا ویڈیو وائرل ہوگیا ہے، اصل میں یہ سبھی لوگ ایک شادی میں جارہے تھے جب یہ حادثہ



ہوا.

بتایاجارہا ہے کہ یہ سبھی لوگ ایک شادی میں شامل ہونے جانے کی تیاری میں تھے، تبھی ایک تیز رفتار اسکارپیو نے کچھ لوگوں کو کچل دیا، واقعہ کے بعد ڈرائیور نے جلد بازی میں پیچھے کا گیئر ڈالا، بریک لگانے کی جگہ سکیلیٹر دبا دیا، جس سے پیچھے کھڑے لوگ بھی گاڑی کی زرد میں آگئے، جس گاڑی سے یہ حادثہ ہوا اس میں دلہا سوار تھا.