بنگلورو میں سرکاری بس بے قابو ، متعدد گاڑیوں سے ٹکرا گئی

بنگلورو،13 اگسٹ (ذرائع)بنگلور میٹرو پولیٹن ٹرانسپورٹ کارپوریشن کی بس آج اس وقت بے قابو ہوگئی جب وہ ایک فلائی اوورسے گذررہی تھی، بس اچانک ٹرافک میں بے قابو ہوگئی اور کئی گاڑیوں سے ٹکراگئی،پولیس نے بتایا کہ جس میں ایک شخص زخمی ہوگیا-

بس کے اندر نصب سی سی ٹی وی کیمرے میں یہ حادثہ ریکارڈ ہوگیا، ڈرائیور کو گاڑی پر سے کنٹرول



کھونے کے بعد آگے بڑھتے ہوئے متعدد بائک اور کاروں سے ٹکراتے ہوئے دکھاجاسکتا ہے- پولیس نے بتایا کہ یہ واقعہ 12 اگسٹ پیر کی صبح تقریباً 9:30 بجے ہیبل فلائی اوور پر پیش آیا۔

بی ایم ٹی سی کے ایک اہلکار نے بتایا کہ ایک شخص زخمی ہوا ہے اور اس کے پیر میں  فریکچر وہا، شخص کا ایک ہسپتال میں علاج کیا جا رہا ہے، انہوں نے مزید کہا کہ کوئی جانی نقصان نہیں ہوا۔