بہن کی شادی میں ڈانس کرتے وقت اچانک دل کا دورہ پڑنے سے لڑکی کی موت

مدھیہ پردیش،10 فروری(ذرائع) پچھلے کچھ سالوں میں ہمارے ملک میں دل کا دورہ پڑنے سے ہونے والی اموات میں آئے روز زیادہ اضافہ ہورہا ہے، اس سے جڑی خبریں سوشل میڈیا پر وائرل ہوتی رہتی ہیں، جن میں کسی کو چلتے ہوئے ہارٹ اٹیک آ جاتا ہے،تو کوئی ناچتے ہوئے اچانک گر جاتا ہے اور کوئی سڑک پر چلتے ہوئے گر جاتا ہے۔ ایسا ہی ایک معاملہ ان دنوں مدھیہ پردیش سے سامنے آیا ہے۔

یہ وائرل واقعہ ودیشا سے سامنے آیا ہے جہاں ایک شادی اچانک ماتم میں بدل گئی۔ دراصل ہوا یہ تھا کہ یہاں ڈانس کرتے ہوئے ایک



لڑکی اسٹیج پر گر پڑتی ہے - جس کے بعد وہاں موجود افراد اسے فوراً اسپتال لے گئے۔ جہاں ڈاکٹروں نے اسے مردہ قرار دے دیا۔

ویڈیو میں آپ دیکھ سکتے ہیں کہ وہ اپنے رشتہ داروں کے سامنے خوشی سے ڈانس کرتی نظر آرہی ہیں۔ اس لڑکی کی ڈانس پرفارمنس اتنی اچھی تھی کہ اسے دیکھ کر اندازہ لگایا جا سکتا ہے کہ اس لڑکی نے اس کے لیے بہت مشق کی ہوگی اور اس کے بعد اچانک کچھ ایسا ہوا کہ لڑکی نیچے گر گئی اور وہیں دم توڑ گئی۔ ہلاک ہونے والی لڑکی کا نام پرنیتا جین ہے جو اپنی کزن بہن کی شادی کے لیے مگدھم ریسارٹ آئی تھی۔