حیدرآباد کےدلسکھ نگرآرٹی سی ڈپو میں آتشزدگی کاواقعہ،دوبسیں جل کرخاکستر

ذرائع:

حیدرآباد:حیدرآباد کے دلسکھ نگر میں آر ٹی سی ڈپو میں آتشزدگی کابڑاواقعہ پیش آیا۔ڈپو میں کھڑی ایک سٹی ایکسپریس بس میں پیر کی صبح اچانک آگ لگ گئی۔ آگ آہستہ آہستہ پھیل گئی اور قریب ہی ایک اور بس کو اپنی لپیٹ میں لے لیا۔ اوردیکھتے ہی دیکھتے دو بسیں جل کرخاکسترہوگئیں۔ اطلاع ملتے ہی فائر بریگیڈ کے



عملے نے موقع پر پہنچ کر آگ پر قابو پالیا۔

حکام کا کہنا ہے کہ حادثے کی وجہ تاحال معلوم نہیں ہو سکی ہے۔ حادثے کے وقت ڈپو میں بہت سی بسیں کھڑی تھیں اور آگ صرف دو بسوں تک محدود تھی اس لئے سب نے راحت کی سانس لی۔ ادھر ڈپو حکام کا خیال ہے کہ آگ بس میں شاک سرکٹ کی وجہ سے لگی۔ پولیس نے مقدمہ درج کر لیا ہے اور واقعہ کی تحقیقات کر رہی ہے۔