حیدرآباد کےاوپل کے سی ایم آرشاپنگ مال میں بھیانک آتشزدگی کاواقعہ،کوئی جانی نقصان نہیں،بڑے پیمانے پرنقصان ہونے کااندازہ

اعتمادنیوز:

احیدرآباد:سکندرآبادآثشزدگی کے واقعے کو بھول نہیں پائے تھے کہ حیدرآباد شہر میں نئے سال کے آغاز میں آگ لگنے کاایک اور واقعہ پیش آیا۔حیدرآبادکے اوپل میں منگل کی رات مشہور کپڑوں کی دکان سی ایم ْآر شاپنگ مال میں آگ لگ گئی۔ کچھ ہی دیر میں آگ پورے شاپنگ مال میں پھیل گئی۔ آگ کی شدت سے دکانوں، شاپنگ مالز، گھروں اور اپارٹمنٹس کے رہنے والوں میں خوف ودہشت کاماحول دیکھاگیا۔آتشزدگی کے اس واقعہ میں کوئی جانی نقصان نہیں ہوا۔اطلاع ملنے کے بعدفائر بریگیڈ کاعملہ جائےوقوع پہنچ گیا۔ چار فائر فائٹرز کی مدد سے آگ پر قابو



پالیا گیا۔

بتایاجارہاہے کہ آگ دکان بند ہونے کے دوران لگی۔ تین منزلہ عمارت میں کپڑوں کے ساتھ ساتھ سونے کے زیورات کا ایک شوروم بھی ہے۔ لگتا ہے کہ سب کچھ نذر آتش ہوگیا۔تاہم ابھی نقصانات کی تفصیل دستیاب نہیں ہے ۔ بتایا جاتا ہے کہ نقصان کروڑوں میں ہوسکتاہے۔ پولیس نے ابتدائی طور پر یہ اندازہ لگایا ہے کہ حادثہ شارٹ سرکٹ کے باعث پیش آیا۔

آگ کی وجہ سے اپل-ایل بی نگر روڈ پر شدید ٹریفک جام۔ ٹریفک پولیس نے وہاں پہنچ کر ٹریفک کو کنٹرول کیا۔ مقامی لکشماریڈی نے اس جگہ کا معائنہ کیا جہاں آگ لگی تھی۔انہوں نے حکام سے حادثے کی وجوہات کے بارے میں دریافت کیا۔