شمشیر گنج میں درخت گرنے سے بزرگ شخص کی موت

حیدرآباد،22 جولائی (ذرائع) پرانے شہر کے شمشیر گنج میں پیر کی دوپہر سڑک پر درخت گرنے سے ایک بزرگ کی موت ہوگئی اور چند دیگر زخمی ہوگئے۔اس واقعے میں تین گاڑیوں کو نقصان پہنچا۔

پولیس کے مطابق  پیر کی دوپہر 2 بجے مقتول محمد صالح (65سالہ) ساکن چندولال برادری شمشیر گنج روڈ سے اسکوٹر پر جا رہے تھے کہ اچانک ایک دو دہائیوں سے زیادہ پرانا بڑا درخت اکھڑ کر محمد صالح پر گر گیا۔ صالح پر درخت اس وقت گرا جب وہ سڑک سے گذر  رہے



تھے۔وہ زخمی ہوئے اور درخت کے نیچے پھنس گئے-

شاہ علی بنڈہ پولیس اسٹیشن کے ایک اہلکار نے بتایا کہ  مقامی لوگوں اور پولیس نے انہیں بچایا اور ہسپتال منتقل کیا جہاں ان کی موت ہو گئی۔

کچھ پیدل چلنے والے اور تین لوگ  آٹو رکشہ اور ایک اسکوٹر سوار درخت کے نیچے آگئے۔

اس کی اطلاع ملتے ہی مقامی لوگ ریسکیو کے لیے پہنچ گئے اور سبھی کو باہر نکالا۔

اس واقعہ کی وجہ سے مصروف فلک نما تا چارمینار سڑک پر شدید ٹریفک جام ہوگیا۔