دہلی کے روہنی علاقے میں بے قابو ڈی ٹی سی بس نے کئی گاڑیوں کو ٹکر ماری

نئی دہلی، 4 نومبر (ذرائع) دہلی کے روہنی علاقے میں ہفتہ کو ڈی ٹی سی کی بس بے قابو ہو گئی اور کئی گاڑیوں سے ٹکرا گئی۔ اس حادثے میں ایک 30 سالہ شخص کی موت ہو گئی۔ ایک شخص زخمی اور اس کی حالت تشویشناک ہے۔ یہ حادثہ سی سی ٹی وی



کیمرے میں ریکارڈ ہو گیا ہے۔ پولیس نے بس ڈرائیور کو حراست میں لے لیا ہے۔

دہلی کے روہنی میں تیز رفتاری سے جا رہی ڈی ٹی سی بس اچانک بے قابو ہو گئی۔ بس سڑک پر چلتی گاڑیوں سے ٹکرائی اور پھر سڑک کے کنارے کھڑے اسکوٹر سے ٹکرانے کے بعد رک گئی۔