حیدرآباد میں سڑک حادثے میں ڈیلیوری ایگزیکٹو ہلاک

حیدرآباد،29 جولائی (ذرائع) کھانے کی ڈیلیوری سروس کے لیے کام کرنے والے ایک ڈیلیوری ایگزیکٹیو کی موت اس وقت ہوگئی جب اس کی بائک گچی باؤلی میں جمعرات کی رات تیز رفتار ٹریکٹر نے ٹکر مار دی۔

مقتول کی شناخت مہدی پٹنم کے رہنے والے عادل احمد (24) کے طور پر ہوئی ہے، وہ کھانے کا پارسل پہنچانے جا رہا تھا جب یہ حادثہ پیش آیا۔

پولیس کے مطابق عادل احمد اپنی موٹر سائیکل پر آئی آئی آئی ٹی سے وپرو سرکل کی طرف جا رہا تھا۔ جب وہ سرکل کے قریب پہنچا اور ڈائیورشن لے



رہا تھا تو بائیں جانب سے آنے والے ٹریکٹر نے اس کی موٹر سائیکل کو ٹکر مار دی۔ وہ موٹر سائیکل پر سے کنٹرول کھو بیٹھا اور سڑک پر گر گیا۔

ایک اہلکار نے بتایا شدید چوٹ لگنے سے خون بہنے لگا-راہگیر جنہوں نے حادثہ دیکھا وہ رک گئے اور اسے بچانے کے لیے بھاگ کھڑے ہوئے۔ اسے ہسپتال منتقل کیا گیا، جہاں وہ بعد میں دم توڑ گیا۔

شکایت کی بنیاد پر گچی باؤلی پولیس نے مقدمہ درج کرکے تحقیقات شروع کردی۔

ٹریکٹر قبضے میں لے لیا گیا۔ ڈرائیور کی گرفتاری کے لیے کوششیں جاری ہیں۔