سنگاریڈی میں ڈی سی ایم وین نے کنبہ کو ٹکر مار دی، ماں اور بیٹا ہلاک

سنگاریڈی، 8 اگسٹ (ذرائع) ضلع سنگاریڈی کے سداشیوا پیٹ بائی پاس روڈ پر ایک سڑک حادثہ میں ایک خاتون اور اس کے بیٹے کی موت ہوگئی جب ایک تیز رفتار ڈی سی ایم وین نے ایک دو پہیہ گاڑی کو ٹکر مار دی جس پر وہ سفر کررہے تھے۔

حادثے میں خاتون کے شوہر اور بیٹی کو شدید چوٹیں آئیں۔ مہلوکین کی شناخت عبدالرشید، روبینہ بیگم، ان کی بیٹی فاطمہ (6) اور بیٹے عبدالریحان (3) ساداشیو پیٹ منڈل کے اسرتھ آباد گاؤں کے طور پر



ہوئی ہے۔

یہ خاندان محرم کے لیے اپنے رشتہ داروں سے ملنے کونڈا پور کی طرف جا رہا تھا کہ سداشیو پیٹ بائی پاس روڈ پر ان کی دو پہیہ گاڑی کو ڈی سی ایم وین نے ٹکر مار دی۔

روبینہ بیگم اور عبدالریحان کی موقع پر ہی موت ہوگئی جبکہ عبدالرشید اور فاطمہ شدید زخمی ہوگئے جنہیں سنگاریڈی کے ایک پرائیویٹ اسپتال میں لے جایا گیا۔

رشید اور فاطمہ دونوں کی حالت تشویشناک بتائی جاتی ہے۔ سداشیوا پیٹ پولیس نے مقدمہ درج کرلیا ہے۔