چندرائن گٹہ میں سلنڈر دھماکے سے عوام میں خوف و ہراس

حیدرآباد، 10 اپریل (ذرائع) بالاپور پولیس اسٹیشن حدود کے تحت سعادت نگر میں ایک مکان میں 10 اپریل بروز جمعرات کی صبح ایک سلنڈر دھماکے سے خوف و ہراس پھیل گیا۔مقامی لوگوں کے مطابق یہ واقعہ سلمیٰ بانو کی رہائش گاہ پر پیش آیا جنہوں نے چندرائن گٹہ سے گیس سلنڈر منگوایا تھا۔ اس کی ڈیلیوری کے بعد سلنڈر



باہر برآمدے میں رکھا گیا تھا جہاں کچھ ہی دیر بعد یہ پھٹ گیا۔دھماکے سے آگ بھڑک اٹھی اور محلے میں خوف وہراس پھیل گیا۔ کوئی جانی نقصان نہیں ہوا کیونکہ دھماکہ کے وقت خاتون بحفاظت باہر نکلنے میں کامیاب رہی،  اور بچے اسکول میں تھے۔واقعہ کی اطلاع ملتے ہی بالاپور پولیس موقع پر پہنچی اور فائر بریگیڈ کو طلب کیا۔