اوڈیشہ میں مال گاڑی سے ٹکرائی کورومنڈیل ایکسپریس، راحت اور بچاؤ کا کام شروع

اوڈیشہ، 2 جون (ذرائع) اڈیشہ کے بالاسور ضلع میں آج شام ایک مسافر ٹرین ایک مال ٹرین سے ٹکرا گئی۔ ٹرین میں کئی مسافروں کے پھنسے ہونے کا خدشہ ہے۔ زخمیوں کو ہاسپٹلس میں لے جایا گیا ہے- راحت اور بچاؤ ٹیمیں مقام حادثہ پر پہنچ گئی ہیں جہاں کورومنڈیل ایکسپریس مال ٹرین سے ٹکرا گئی تھی۔ فوری طور پر یہ معلوم نہیں ہو سکا ہے کہ اس حادثے میں کتنے لوگ زخمی ہوئے ہیں۔ ابھی تک کسی جانی



نقصان کی کوئی اطلاع نہیں ہے۔

اسپیشل ریلیف کمشنر کے دفتر کے مطابق، بالاسور کے کلکٹر کو تمام ضروری انتظامات کرنے کے لیے موقع پر پہنچنے اور ریاستی سطح سے کسی اضافی مدد کی ضرورت پڑنے پر ایس آر سی کو مطلع کرنے کی ہدایت دی گئی ہے۔

حکام نے بتایا کہ یہ حادثہ شام تقریباً 7.20 بجے بہناگا بازار اسٹیشن کے قریب پیش آیا۔ ٹرین کولکتہ کے قریب شالیمار اسٹیشن سے چنئی سینٹرل اسٹیشن جارہی تھی۔