یوپی میں مورتی وسرجن کے دوران فرقہ وارانہ تصادم

مہوبہ: اترپردیش کے مہوبہ ضلع کے سری نگر تھانہ علاقے میں اس وقت کشیدگی پھیل گئی جب منگل کی شام دیوی درگا مورتی وسرجن جلوس کے دوران رنگوں کے کھیل کو لے کر دو برادریوں میں جھڑپ ہوئی۔

پولیس نے فوری کارروائی کرتے ہوئے موقع پر موجود تین افراد کو حراست میں لے لیا۔

پولیس سپرنٹنڈنٹ مہوبہ اپرنا گپتا نے بتایا کہ سری نگر پولیس اسٹیشن کے مرکزی بازار میں مورتی کو وسرجن کے لیے لے جانے کے دوران دو برادریوں کے درمیان جھگڑا ہوگیا۔

ابتدائی طور پر یہ ظاہر ہوا ہے کہ وسرجن کے لیے جانے والوں



کے گروپ کی ایک لڑکی نے دوسری برادری سے تعلق رکھنے والے شخص پر رنگ پھینکے۔ مشتعل شخص نے ساتھیوں کے ساتھ مل کر مبینہ طور پر لڑکی کو مارا پیٹا جس نے وسرجن کے لیے جانے والوں کی توجہ مبذول کرائی اور انہوں نے مداخلت کی جس سے جھگڑا ہوا۔

تاہم، کراسنگ پر تعینات پولیس اہلکاروں نے دوڑ کر گروپوں کو پرسکون کیا۔

"عینی شاہدین کے بیان کی بنیاد پر، آٹھ کے خلاف ایف آئی آر درج کی گئی تھی جس میں سے تین کو حراست میں لے لیا گیا ہے اور دیگر کو پکڑنے کی کوششیں کی جا رہی ہیں،" سری نگر کے ایس او پروین سنگھ نے کہا۔ اس کے بعد جلوس نے وسرجن کے لیے اپنا مارچ جاری رکھا۔