حیدرآباد: طالب علم نے استاد کے تھپڑ کے بعد عمارت سے چھلانگ لگا دی

حیدرآباد،22 فروری(ذرائع) ایک خانگی اسکول کے8ویں  کلاس  کے طالب علم نے ہفتہ کے روز اپنے استاد کی طرف سے "ڈانٹنے" اور "تھپڑ" مارے جانے کے بعد اسکول کی عمارت سے چھلانگ لگا کر خودکشی کر لی۔

پولیس نے بتایا کہ  یہ واقعہ صبح تقریباً 9.30 بجے پیش آیا جب فزیک ٹیچر نے مبینہ طور پر 14 سالہ لڑکے کو کلاس روم میں تمام  طلباء کے سامنے ڈانٹ دیا، بچے کی غلطی یہ بتائی جارہی ہے کہ لڑکے نے ،  سی سی ٹی وی



کیمرے کی "سمت موڑ"  دی تھی۔

پولیس نے بتایا کہ "بے عزتی" محسوس کرتے ہوئے لڑکے نے استاد سے واش روم جانے کی اجازت لی اور  عمارت کی چوتھی منزل پر جا کر چھلانگ لگا دی۔

ہاسپٹل لے جانے پر لڑکے کو مردہ قرار دے دیا گیا۔کچھ طلباء نے میڈیا کو بتایا کہ استاد نے مبینہ طور پر لڑکے کو تھپڑ مارا تھا۔

پولیس نے بتایا کہ لڑکے کی کتاب میں  ایک نوٹ لکھا تھا ،جس میں"اپنی زندگی ختم کرنے" کے لیے اپنی ماں سے معافی مانگی۔