حیدرآباد: ابراہیم پٹنم میں سڑک حادثہ میں تاجر کی موت ہوگئی

حیدرآباد، 11 ڈسمبر (ذرائع) رنگاریڈی ضلع کے ابراہیم پٹنم میں پیر کو پیش آئے ایک سڑک حادثہ میں ایک تاجر ہلاک ہوگیا جبکہ اس کے خاندان کے تین دیگر افراد شدید زخمی ہوگئے۔

متاثرہ کرشنا ریڈی (47سالہ) اپنی بیوی کرشناوینی، بیٹے بھارگو ریڈی اور بیٹی اندو کے ساتھ کار میں اپل سے اپنے آبائی مقام مدگل واپس ہورہے تھے کہ ایک



لاری نے کار کو تیز رفتاری سے ٹکر مار دی۔ کرشنا ریڈی کو کئی چوٹیں آئیں اور وہ موقع پر ہی دم توڑ گئے جبکہ خاندان کے باقی تین افراد زخمی ہیں۔ ابراہیم پٹنم کے سب انسپکٹر، نے بتایا کہ لاری ڈرائیور تیز رفتاری سے گاڑی چلا رہا تھا جس کی وجہ سے یہ واقعہ پیش آیا-  لاری ڈرائیور کے خلاف مقدمہ درج کر لیا گیا ہے۔ اسے گرفتار کر کے گاڑی ضبط کر لی گئی۔