دہلی: 4 منزلہ عمارت تاش کے پتوں کی طرح گر گئی

نئی دہلی، 8 مارچ (ذرائع) دارالحکومت دہلی میں ہولی کے دن ایک بڑا حادثہ پیش آیا۔ بھجن پورہ علاقہ میں 4 منزلہ عمارت تاش کے پتوں کے گھر کی طرح منہدم ہوگئی۔ موقع پر موجود ایک شخص نے موبائل کیمرے سے اس کی ویڈیو بنائی جو اب وائرل ہورہی ہے۔ تاہم اس حادثے میں ابھی تک کسی جانی نقصان کی اطلاع نہیں ہے۔ فی الحال فائر بریگیڈ کی ٹیم موقع پر



پہنچ گئی۔ علاقے میں ریسکیو آپریشن جاری ہے۔

دارالحکومت دہلی کے بھجن پورہ کے وجے پارک علاقے میں عمارت گر گئی ہے۔ حادثے کی اطلاع ملتے ہی فائر بریگیڈ کی 3 گاڑیاں موقع پر پہنچی۔ بتایا جا رہا ہے کہ گراؤنڈ پلس 3 منزلہ عمارت تھی۔ وقت گزرنے کے ساتھ عمارت میں رہنے والے لوگوں کو باہر نکالا گیا۔ یہی نہیں عمارت کافی پرانی بھی بتائی جارہی ہے۔