گجرات میں 6 منزلہ عمارت گر گئی، 15 افراد زخمی

سورت 6 جولائی (ذرائع) گجرات کے سورت کے سچن پلی گاؤں میں 6 منزلہ عمارت کے گرنے سے بڑا حادثہ پیش آیا۔ عمارت گرنے سے تقریباً 15 افراد شدید زخمی ہوگئے اور 5-6 افراد پھنسے ہوئے ہیں۔ معلومات کے مطابق عمارت زیادہ پرانی نہیں تھی پھر بھی بارش کی وجہ سے عمارت گر گئی۔ اس وقت ریسکیو ٹیم موقع پر موجود ہے۔

این ڈی آر ایف ٹیم نے میڈیا کو بتایا کہ یہ عمارت سال



2018 میں تعمیر کی گئی تھی۔ فی الحال ایک خاتون کو بچا لیا گیا ہے۔ امدادی کام ابھی بھی جاری ہے۔ ٹیم نے بتایا کہ عمارت میں 5-6 افراد ابھی بھی پھنسے ہوئے ہیں۔ این ڈی آر ایف کی ٹیم تمام لوگوں کو بحفاظت باہر نکالنے کی بھرپور کوشش کر رہی ہے۔ اس عمارت میں تقریباً 30 فلیٹس تھے جن میں سے صرف 5 فلیٹس میں لوگ رہ رہے تھے۔ معلومات کے مطابق اس عمارت میں ٹیکسٹائل مل کے مزدور رہتے تھے۔